Učora ŭ pravasłaŭnych viernikaŭ pačaŭsia Piatroŭ post. Praz 7 dzion paśla śviata Śviatoj Trojcy pačynajecca Piatroŭ post, u pamiać pra chryscijanskich pakutnikaŭ Piatra i Paŭła. Na zahad impieratara Nierona mnohija tysiačy chryscijan byli ŭkryžavany, spaleny, kamienavany i addadzieny na źjadzieńnie źviaram. Siarod hetych achviaraŭ byli apostały Piotr i Pavieł, u vinu jakim staviłasia propaviedź słova Božaha.
Da taho ž, Piatroŭski post nahadvaje ab tym, što hałoŭny vorah, jak abviaščaje Jevanhielle, nie toj, chto zabivaje cieła, a toj, jaki karanicca ŭnutry dušy. Časta znoŭ chryščony zabyvaje pra luboŭ da Boha i blizkaha i viartajecca da raniejšych hrachoŭ. Voś ab hetaj niebiaśpiecy i nahadvaje post.
Samaja vialikaja praciahłaść Piatrova postu — šeść tydniaŭ, samaja małaja — vosiem dzion. U Piatroŭ post dazvalajecca jesci rybu va ŭsie dni, akramia sierady i piatnicy. Zakončycca post 11 lipienia.
