Pavodle dadzienych eŭrapiejskaj statystyčnaj słužby, u 2006 h. abjomy pramych zamiežnych investycyjaŭ z EZ u inšyja krainy śvietu vyraśli na 35%. Kali ŭ 2005 h. jany skłali 136 młrd. eŭra, u minułym hodzie abjomy dasiahnuli 183 młrd.
Abjomy pramych zamiežnych investycyjaŭ u EZ ź inšych krainaŭ śvietu vyraśli na 42% (z 95 młrd. da 135 młrd.).
U toj ža čas u minułym hodzie investycyjnyja patoki pamiž 27 krainami‑členami EZ skaracilisia na 8%.
Najbujniejšym eŭrapiejskim investaram u ekanomiki inšych dziaržavaŭ śvietu jość Francyja (39 młrd. eŭra — 21% usich eŭrapiejskich investycyjaŭ, što nakiroŭvajucca za miežy EZ). Za joj iduć FRH (31 młrd. — 17%) i Luksemburh (27 młrd. — 15%). Najbolš pryvabnaj dziaržavaj dla nieeŭrapiejskich investaraŭ jość Złučanaje Karaleŭstva (56 młrd eŭra — 42% usich investycyjaŭ, što nakiroŭvajucca ŭ EZ).
Najbolšuju cikavaść eŭrapiejskich investaraŭ vyklikajuć ZŠA (tudy napraciahu hoda byli investavanyja 71,2 młrd. eŭra), Kanada (21,7 młrd.), Švajcaryja (19,4 młrd.), Brazylija (5,3 młrd.), Rasieja (4,3 młrd.), Hankonh (4,3 młrd.) i Kitaj (3,7 młrd.). Najbolšaja kolkaść zamiežnych investycyjaŭ u EZ nakiroŭvajucca z ZŠA (47,9 młrd. eŭra), Japonii (10,6 młrd.), Švajcaryi (5,8 młrd.), Kanady (5 młrd.) i Kitaju (2,1 młrd).
