U niamieckim horadzie Šveryn padčas antyfašystoŭskaj akcyi zatrymali siamioch biełarusaŭ — aktyvistaŭ arhkamitetu sacyjalnaha ruchu «Razam!».
Pra heta paviedamiŭ homielski aktyvist ruchu «Razam!» Juraś Hłušakoŭ, jaki siońnia viarnuŭsia ź Niamieččyny:
«My pratestavali suprać taho, što ŭ krainach Eŭropy, Rasiei j navat Biełarusi aktyvizujucca prafašystoŭskija siły».
U palicejskaj inspekcyi Šveryna biełaruskich hramadzianaŭ razam ź inšymi ŭdzielnikami akcyi trymali kala čatyroch hadzinaŭ, a paśla adpuścili. Nijakich parušeńniaŭ hramadzkaha paradku ŭ dziejańniach pratestantaŭ palicyja nia ŭhledzieła.
Piaciora biełaruskich hramadzianaŭ zastajucca da hetaha času ŭ Niamieččynie. Jany źbirajucca praciahvać antyfašystoŭskija akcyi da pačatku samitu Vialikaj vaśmiorki, jakaja maje adbycca ŭ Pameranii — na poŭnačy Niamieččyny.
