Prahrama sioletniaj imprezy budzie pryśviečanaja śviatkavańniu 125‑hodździa z dnia naradžeńnia narodnych paetaŭ Biełarusi Janki Kupały j Jakuba Kołasa. Z hetaj nahody, u pieršy dzień śviata, kala Centru kultury j adpačynku ŭ Radaškovičach adbudziecca adkryćcio pomnika Janku Kupału, a ŭ vioscy Jachimaŭščyna, dzie žyŭ paet, źjavicca memaryjalnaja doška.
Padčas festu «Maładečna‑2007» vystupiać piśmieńniki Navum Halpiarovič, Viktar Šnip, Leanid Drańko‑Majsiuk, Leanid Zachleŭny, Uładzimier Budnik, narodnyja artysty Mikałaj Skorykaŭ, Anatol Jarmolenka, ansambl «Pieśniary», Alaksandra j Kanstancin, dziaržaŭny ansambl muzyki «Biasieda» i inš.
U kancertnaj prahramie Nacyjanalnaha festyvalu biełaruskaj pieśni j paezii vystupiać taksama kamernyja kalektyvy Nacyjanalnaha kancertnaha arkiestru Biełarusi j Nacyjanalny akademičny narodny arkiestr imia Žynoviča.
