«U teatry opiery i baleta Biełarusi ŭsio pavinna być zroblena lepš, čym u jeŭrapiejskich teatrach»
Premjer‑ministr Siarhiej Sidorski pravioŭ naradu pa rekanstrukcyi budynku Opiery. Jon daručyŭ skaracić terminy rekanstrukcyi.
Da 1 vieraśnia hetaha hoda instytut «Biełdziaržprajekt» pavinien padrychtavać dyzajn‑prajekt usiaho abjekta. U pryvatnasci, zona dla hledačoŭ kompleksu praduhledžvaje rospis stoli ŭ zale, zasłony. Dla hladzielnaj zały opiernaha teatra płanujecca raspracavać ekskluziŭnyja kresły. «U teatry opiery i baleta Biełarusi ŭsio pavinna być zroblena lepš, čym u jeŭrapiejskich teatrach. Arhanizujcie kamandziroŭki ŭ Hrand‑apiera i ŭ Ła Skała, pahladzicie, jak zroblena tam», — skazaŭ premjer‑ministr. Adnačasova Siarhiej Sidorski daručyŭ pavialičyć kolkaść pracujučych na abjekcie da 500—600 čałaviek i zrabić bolš tannymi častku rabot.
