Pieter Paveł. Fota: Petr David Josek / AP Photo
Takim čynam, Paveł faktyčna prapanuje pakinuć za Maskvoj tyja ŭkrainskija terytoryi, jakija na momant pačatku pieramovaŭ buduć kantralavać rasijskija vajskoŭcy. «Pa budučaj damoŭlenaści moža być niejki kampramis», — dadaŭ prezident.
Paveł taksama zajaviŭ ab isnujučych dla Kijeva ryzykach prajhrać vajnu. Heta, na dumku kiraŭnika dziaržavy, moža adbycca, kali Zachad budzie i ŭ dalejšym prajaŭlać praźmiernuju aściarožnaść, aceńvajučy pastajanna ryzyki eskałacyi. U toj ža čas jon pierakanany, što dapamoha, jakuju Zachad akazvaje zaraz Ukrainie, źjaŭlajecca dastatkovaj dla pieramohi ŭ vajnie.
Češski prezident vyklučyŭ adpraŭku vojskaŭ NATA va Ukrainu dla ŭdziełu ŭ bajavych dziejańniach suprać Rasii. «Ukraina nie źjaŭlajecca členam NATA.
My nie možam vajavać za Ukrainu va Ukrainie, bo heta adrazu aznačała b pramy kanflikt pamiž NATA i Rasijaj, i nichto ŭ Jeŭropie takoha kanfliktu nie choča», — rastłumačyŭ jon.
Na dumku Paveła, dyskusija ab členstvie Ukrainy ŭ NATA zaraz źjaŭlajecca niedarečnaj, bo spačatku pavinna być dasiahnuta mirnaje pahadnieńnie.
Češski prezident taksama raskrytykavaŭ «adsutnaść hnutkaści» ŭ jeŭrapiejskich krain u pryniaćci rašeńniaŭ, jakija zmahli b zabiaśpiečyć chutkaje pavieličeńnie vajennaha patencyjału Jeŭropy.
Pavodle jaho słoŭ, jeŭrapiejskija ŭrady nie vyłučajuć «dakładnych patrabavańniaŭ i harantyj da abaronnaj pramysłovaści». Jeŭropa ž zaraz sutykajecca z samymi vialikimi pahrozami biaśpiecy z časoŭ Druhoj suśvietnaj vajny, padkreśliŭ kiraŭnik Čechii.
Čytajcie taksama:
Prezident Čechii: Ukraina nie atrymlivaje vajennaj pieravahi, čas idzie na karyść RF
Pientahon pra situacyju na froncie va Ukrainie: Situacyja składanaja, vyklikaje niepakoj
Ale meta sponsaraŭ Ukrainy inšaja -- nanieści najbolšuju škodu Rasiei i Ŭschodniaj Eŭropie. I ŭsialaki mir hetamu naŭprost supiarečyć.