 |
Pavodle jaho słoŭ, partyja pryniała nakont incydenta śpiecyjalnuju zajavu. U joj zaznačajecca, što arhanizatary maršu byli zahadzia papiaredžanyja ab najaŭnaści ŭ šerahach demanstrantaŭ hrupy nieanacystaŭ kolkaściu kala šaścidziesiaci čałaviek i mahčymaści pravakacyi ź ich boku.
«Kali nieanacysty napali na ŭdzielnikaŭ akcyi, libiertarnyja aktyvisty byli vymušanyja akazać supraciŭleńnie, što ŭ vyniku vyliłasia ŭ tak zvanuju «bojku na prajeznaj častcy», ab jakoj paviedamlajuć ŚMI. Važna adznačyć, što dziakujučy adporu z boku antyfašystaŭ, udałosia paźbiehnuć bolš ciažkich nastupstvaŭ i dyskredytacyi maršu ŭ vačach demakratyčnaj hramadskaści», — ličyć partyja «Zialonyja».
«Biełaruskaja partyja «Zialonyja» vykazvaje poŭnuju salidarnaść ź dziejańniami antyfašystaŭ. Usiu adkaznaść za incydent niasie tak zvanaja «Biełaja vola» i siły, što stajać za jaje śpinoj, jakija zacikaŭlenyja ŭ arhanizacyi pravakacyj», — skazaŭ Ju.Hłušakoŭ.
«Nievypadkova, što mienavita pratestnyja akcyi sacyjalnaha charaktaru stali abjektam takich daskanałych i dobra padrychtavanych pravakacyj. U suviazi z hetym usim demakratyčnym siłam nieabchodna prajaŭlać pilnaść i salidarnaść z antyfašystami, kab nadalej nie dapuskać da ŭdziełu ŭ akcyjach arhanizacyi, padobnyja da «Biełaj voli», — pracytavaŭ Ju.Hłušakoŭ zajavu partyi.
Nahadajem, 4 listapada, kali demanstranty znachodzilisia na pierakryžavańni vulic Jakuba Kołasa i Surhanava, hrupa maładych ludziej, apranutych u čornaje (kala dvuch‑troch dziesiatkaŭ), adździaliłasia ad ahulnaj kałony ŭdzielnikaŭ akcyi i ŭčyniła bojku na prajeznaj častcy. Niekatoryja ź ich vykrykvali fašysckija łozunhi. Paśla źjaŭleńnia supracoŭnikaŭ pravaachoŭnych orhanaŭ jany raźbiehlisia.
