 |
Moładzievuju aktyvistku Kaciarynu Sałaŭjovu paŭtorna adličyli z Połackaha dziaržaŭnaha ŭniversytetu. Dziaŭčyna navučałasia na druhim kursie histaryčna-filalahičnaha fakultetu. Kaciarynu nie dapuścili da zimovaj sesii, bo jana nie zdała zalik pa krainaznaŭstvu.
U pačatku śniežnia Sałaŭjovu ŭžo adličali z universytetu. Adnak pad ciskam hramadzkaści Kaciarynu adnavili ŭ VNU ŭžo praz paru dzion paśla vyklučeńnia, ale z adnoj umovaj — da pieršaha parušeńnia ci zatrymańnia. 14 studzienia Sałaŭjovu asudzili na 30 bazavych vieličyń štrafu — 1 młn. 50 tys. rubloŭ — za naniasieńnie niekalkich palityčnych hrafici na połacki harvykankam.
Dziaŭčyna kaža, što budzie pastupać kudy-niebudź za miažu. “Ci ŭ Smalensk pajedu vučycca, ci jašče kudy, ale abaviazkova na zavočnaje adździaleńnie”, — kaža jana.
Varta nahadać, što Kaciaryna Sałaŭjova prachodzić jak padazronaja ŭ kryminalnaj spravie pa artykule 193 č.1 “Udzieł u niezarehistravanaj arhanizacyi”. Druhaja kryminalnaja sprava suprać Sałaŭjovaj pa “źniavazie dziaržaŭnych symbalaŭ” prypynienaja.
