 |
Kala rasiejskaj ambasady ŭ Miensku adbyŭsia pikiet pad lozunham: «Nie dapuścim rasiejskaj atamnaj zbroi ŭ Biełarusi!».
Jaho praviali aktyvisty Biełaruskaha nacyjanalna‑demakratyčnaha centru, Biełaruskaj partyi Svabody i Biełaruskaj aŭtakiefalnaj pravasłaŭnaj carkvy.
Kala dziesiaci čałaviek ź bieł‑čyrvona‑biełym ściaham utvaryli łancuh pierad rasiejskaj ambasadaj. Jany trymali plakaty: «Nie dapuścim rasiejskaj atamnaj zbroi na Biełarusi!», «Rasiejskaj jadziernaj akupacyi Biełarusi — NIE!», «Svabodu Biełaruskaj Aŭtakiefalii!» i inšyja.
Pikiet praciahvaŭsia niekalki chvilinaŭ. Jaho ŭdzielniki z roznych rehijonaŭ Biełarusi skandavali: »Niezaležnaść!» Milicyjanty pierapisali źmiest plakataŭ, ale nikoha nie zatrymali.
Lider Biełaruskaj partyi Svabody Siaržuk Vysocki skazaŭ, što novy kiraŭnik Rasiei musić pačuć hołas biełarusaŭ:
«My siońnia pryjšli razam z našymi ŭkrainskimi siabrami vykazać svoj pratest suprać planaŭ raźmiaščeńnia ŭ Biełarusi jadziernaj zbroi. Mała taho, što Biełaruś faktyčna zrabili kalonijaj Rasiei, ciapier plany raźmiaščeńnia tut jadziernaj zbroi jak i pabudova atamnaj stancyi pa rasiejskim prajekcie — heta faktyčna plany źniščeńnia biełaruskaha naroda».
