Kalandar źmiaščaje dvanaccać fotazdymkaŭ: usich vaśmi staršyniaŭ Rady BNR: Janki Sierady, Jazepa Losika, Piotry Krečaŭskaha, Vasila Zacharki, Mikoły Abramčyka, Vincenta Žuka‑Hryškieviča, Jazepa Sažyča dy Ivonki Surviłły, a taksama čatyroch staršyniaŭ Uradu BNR, što dziejničaŭ u Biełarusi: Jazepa Varonki, Antona Łuckieviča, Ramana Skirmunta, Vacłava Łastoŭskaha.
Kalandar vyjšaŭ pry padtrymcy ZBS «Baćkaŭščyna» i Rady BNR. Pradmovu da kalendara napisali pieršy namieśnik staršyni Rady BNR Siarhiej Navumčyk i radny BNR, historyk Janka Zaprudnik. Układalniki kalendara: Aleh i Natalla Hardzijenki
U pradmovie jany zaznačajuć:
Ideja kalendara, pryśviečanaha ŭhodkam Biełaruskaj Narodnaj Respubliki, naradziłasia kolki hadoŭ tamu, ale tolki zaraz atrymała svajo ŭvasableńnie. (…) Vydańnie skłali, faktyčna, dva asobnyja kalendary: adzin aktualny na 2008 h., druhi histaryčny na 1918 h. Apošni dazvolić bolš jaskrava adčuć chranalahičnyja asablivaści padziejaŭ, źviazanych ź pieršym hodam historyi BNR. (…)
Charaktar vydańnia nie dazvalaje achapić usich dziejačaŭ, tamu zasiarodzilisia na kiraŭnikach Uradu i Rady BNR. Praŭda, u vypadku pavajennaha peryjadu daviałosia abmiežavacca vyklučna staršyniami Rady (jak najbolš upłyvovaj, u paraŭnańni z Uradam, struktury tahačasnaj BNR). Zachavanaja chranalahičnaja paśladoŭnaść asobaŭ u najvyšejšym kiraŭnictvie BNR. Da taho ž zroblenaja sproba padać najbolš dakładnyja na siońnia bijahrafičnyja źviestki dziejačaŭ.
Taksama na staronkach kalendara pradstaŭlenyja vyjavy aryhinalnych aŭtohrafaŭ kiraŭnikoŭ BNR i dakumenty dy vydańni z fondaŭ Biełaruskaha Dziaržaŭnaha archivu‑muzeju litaratury j mastactva, Muzeju historyi i kultury Biełarusi, Nacyjanalnaha archivu Respubliki Biełaruś, Nacyjanalnaj biblijateki Biełarusi dy pryvatnych zboraŭ. Admietnaściu vydańnia jość taksama vykarystańnie na jaho staronkach aryhinalnych paštovych marak BNR 1918—1920 hh. i pavajennaha času z kalekcyi Biełaruskaj biblijateki j muzeju imia F. Skaryny ŭ Londanie (vyjavy padajucca z zachavańniem aryhinalnych pamieraŭ).
Kalandar pamieram A4, kalarovy, dvuchbakovy. Z advarotnaha boku dadajecca bijahrama taho ci inšaha dziejača BNR, a taksama kalandar hetaha miesiaca ŭ 1918 h.
* * *
Kalandar možna pabačyć i pamacać na Ŭpravie BNF, siadzibie TBM, Akademknizie, chutka źjavicca na knihi.net.
 |
 |
 Advarotny bok staronki, u dadzienym vypadku na sakavik |
 |
 |
