Biełaruskija dzietki nieŭzabavie zmohuć paznajomicca z seryjaj nievialikich multyplikacyjnych apaviadańniaŭ pra hierby biełaruskich haradoŭ. Dla dziatvy stužka — vydatny malaŭničy dapamožnik pa vyvučeńni historyi rodnaha kraju. Kožnamu symbalu — svoj siužet. Animatary raskažuć jak pra abłasnyja harady, tak i pra rajcentry.
Zapačatkavany jašče adzin prajekt — biełaruskija narodnyja prymaŭki ŭ animacyjnaj interpretacyi. Pakul u prajekcie tolki dźvie prymaŭki, zatoje ŭžo z subtytrami roznych moŭ śvietu. Čakajecca, što ŭvieś animacyjny seryjał budzie składacca z paŭtara dziasiatka prymavak.
Abodva prajekty viadzie biełarus‑animatar Michaił Tumiela. Jon ciapier na piku papularnaści — jak pedahoh i jak tvorca. Vykładaje animacyju u Rasii i źbirajecca ŭ Japoniju. Tam jamu ŭzyčajuć i labaratoryju, i miesca dzie žyć.