Andrej Lankievič. Naradziŭsia ŭ 1981 h. u Horadni. Skončyŭ Biełaruski dziaržaŭny ŭniversytet, fakultet radyjofiziki i elektroniki.
Fotakarespandent «Našaj Nivy» ad 2002 hodu.
Jahonyja fatazdymki taksama drukavalisia ŭ viadučych ŚMI Rasiei («Ohoniok», «Moskovskij komsomolec», «Iźviestija»), Polščy (Gazeta Wyborcza), ZŠA. Hazeta «Ńju-Jork Tajms» u 2006 hodzie źmiaściła jaho fota z padziejaŭ na Płoščy na pieršuju staronku.
Praz svaje zdymki vyjhraŭ prestyžnuju dzieviacimiesiačnuju stypendyju World Press Foto.
Persanalnyja vystavy Andreja Lankieviča prachodzili ŭ Biełarusi, Rasii, Hałandyi, Litvie,Čechii, Narvehii, Polščy, Hiermanii. Udzielnik šmatlikich eŭrapiejskich fotaforumaŭ.
U časie zatrymańnia na praspekcie Niezaležnaści byŭ źbity da kryvi. Pry sabie mieŭ prafesijnyja fotaaparaty i žurnalisckaje paśviedčańnie.