 K. Duž-Dušeŭski |
Šyldu ŭ honar palityčnaha dziejača BNR Kłaŭdzija Duž‑Dušeŭskaha na domie №22 na vulicy M. Horkaha sa zhody haspadar domu raźmiaścili miascovyja krajaznaŭcy i aktyvisty Partyi BNF. Aŭtaram partretnaj vyjavy Kłaŭdzija Duž‑Dušeŭskaha vystupiŭ miascovy mastak Alaksandr Miadzielec. Na došcy byŭ nadpis: «Tut u 1891 hodzie naradziŭsia Kłaŭdzij Ściapanavič Duž‑Dušeŭski — palityk, aśvietnik, dojlid». Memaryjalnuju došku rabili na dabračynnyja achviaravańni hłybockich siabroŭ Partyi BNF. Praz try dni, akurat na 25 sakavika, šyldu na zahad načalnika adździełu ŽKH Hłybockaha rajvykankama Juryja Siamieńnikava źniali — «niepałožana», bo nie było zvarotu ŭ harvykankam pa dazvoł.
15 krasavika hłybocki krajaznaŭca i žurnalist Ŭładzimier Skrabatun atrymaŭ ad načalnika adździełu ŽKH list ab razhladzie materyjałaŭ pravierki Hłybockaha RUUS pa fakcie vyviešvańnia šyldy ŭ honar Duž‑Dušeŭskaha. Sp. Skrabatunu paviedamili, što im parušana zakanadaŭstva — šylda vyviešanaja samavolna. Krajaznaŭcu papiaredzili pra adkaznaść za paŭtornaje parušeńnie zakonu. Adnak hałoŭnaj «perlinaj» čynoŭnickaha lista staŭ nastupny skaz: «U adździeł žyllova‑kamunalnaj‑haspadarki Hłybockaha rajvykankama pastupili materyjały pravierki Hłybockaha RUUS ab tym, što na ścianie doma №22 pa vuł. M. Horkaha ŭ h. Hłybokaje była ŭstalavanaja memaryjalnaja doška ŭ honar Kłaŭdzija Duž‑Dušeŭskaha (dziejača BNF).
Kłaŭdzij Ściapanavič Dušeŭski (Duž‑Dušeŭski) [27.3 (pavodle inšych źviestak 26.4). 1891, miast. (ciapier horad) Hłybokaje Dzisienskaha pavieta Vilenskaj huberni — 25.2.1959], biełaruski palityčny dziejač. Vosieńniu 1919 — dyplamatyčny pradstaŭnik BNR u krainach Prybałtyki; paśla sesii Rady BNR u Miensku (śniežań 1919) pryznačany jaje dziaržaŭnym sakratarom va uradzie Łastoŭskaha.
 |
