Roźničnyja ceny na naftapradukty, što realizujucca praz AZS arhanizacyjami «Biełnaftachima», składajuć: bienzin A‑76 («Narmal‑80») — 1.760 rubloŭ za litr (rost na 90 rubloŭ), bienzin AI‑92 — 2.230 (na 110 rubloŭ), bienzin AI‑95 — 2.540 (na 120 rubloŭ).
Roźničnaja cana na dyzielnaje paliva pavialičyłasia na 14,8% i skłała 1.940 rubloŭ za litr (rost na 250 rubloŭ).
Jak tłumačać śpiecyjalisty kancerna, pavyšeńnie cen na naftapradukty abumoŭlena rostam cany na naftu i maje na mecie «zabieśpiačeńnie pryciahalnaści pracy pradpryjemstvaŭ na ŭnutranym rynku Biełarusi».
Apošnim razam ceny na naftapradukty ŭ Biełarusi pavyšalisia 10 śniežnia minułaha hoda. Tady roźničnyja ceny ŭzraśli ŭ siarednim na 5%.