U mižvajenny čas u Zachodniaj Biełarusi byŭ sapraŭdny budaŭničy bum. Pra razmach možna mierkavać pa dziaržaŭnym planie na 1938—39 hod. Tolki ŭ Brasłaŭskim paviecie abjektaŭ hramadzkaha i sacyjalnaha pryznačeńnia płanavałasia ŭźvieści 144.
Važnaj častkaju zachodniebiełaruskaje architektury było budaŭnictva chramaŭ. U Zachodniaj Biełarusi da 1939 h. dziejničała 446 kaściołaŭ, 542 carkvy, 387 sinahoh, 14 manastyroŭ. Śviatarskuju pa¬słuhu vykonvali 617 katalickich, 606 pravasłaŭnych śviataroŭ, 293 rabiny. Da 1939 h. u SSSR naličvałasia 50 tys. katalikoŭ, paśla dałučeńnia — 6,5 młn. Represii i ateistyčnaja prapahanda spynili kančatkova raźvićcio sakralnaje architektury ŭ 1940 h.
Kniha S. Chareŭskaha ŭvodzić va ŭžytak małaviadomyja dakumenty i fakty z historyi kultury Zachodniaj Biełarusi. Napisanaja žyvoj, vobraznaj movaju, jana adrasavanaja ŭsim cikaŭnym da historyi biełaruskaj i suśvietnaj kultury.
 |
