21 kastryčnika spoŭniłasia 50 hadoŭ piśmieńniku Maksimu Klimkoviču.
Biełaruskamu čytaču jon viadomy jak aŭtar pjes «Vita Brevis, ci Nahavicy Śviatoha Hieorhija», «Volnaja scena», «Čorny kvadrat», detektyŭnych apovieściaŭ i ramanaŭ «Scenar śmierci», «Karona Vitaŭta Vialikaha», «Lustranaja firanka», kinaramanu-farsu «Janki, albo Astatni najezd na Litvie» (u saaŭtarstvie z Uładzisłavam Achromienkam), apaviadańniaŭ.
Maksim Klimkovič pachodzić ź piśmieńnickaj intelihientnaj siamji: jahony dzied Michaś Klimkovič źjaŭlaŭsia staršynioj Sajuza piśmieńnikaŭ BSSR, napisaŭ słovy dla Dziaržaŭnaha himnu Biełarusi, baćka — Aleś Machnač — taksama asoba viadomaja ŭ biełaruskaj litaratury.
Admietna, što Maksim Klimkovič, jak i dziesiatak inšych litaratataraŭ ź Biełarusi, šmat piša dla rasiejskaha čytača: bolš za vosiem dziesiatkaŭ knih vydadziena im u Rasii. U asnoŭnym heta trylery i scenary. Siabry i kalehi pa tvorčamu cechu spadziajucca, što mienavita biełaruskamu čytaču dastanucca lepšyja tvory piśmieńnika, idei jakich vynošvaje Maksim.
Ź jubilejem, tvorca!