Nacyjanalny bank Biełarusi źviarnuŭsia da Mižnarodnaha valutnaha fondu z prośbaj vydzielić reziervavy kredyt u pamiery 2 młrd. dalaraŭ ZŠA.
Pra heta BiełaPAN paviedamiŭ načalnik upraŭleńnia infarmacyi Nacbanka Anatol Drazdoŭ.
«Hety kredyt nieabchodny dla papaŭnieńnia zołatavalutnych reziervaŭ krainy», — rastłumačyŭ A.Drazdoŭ.Pavodle jaho słoŭ, «reakcyi MFV pakul niama, tamu što adozva była dasłana na hetym tydni».
Jak paviedamlałasia raniej, mižnarodnyja reziervavyja aktyvy Biełarusi (zołatavalutnyja reziervy) u nacyjanalnym vyznačeńni skaracilisia za vierasień na 11,8 % (na 658,9 młn. dalaraŭ) i skłali na pačatak kastryčnika 4 młrd. 944,2 młn. dołaraŭ. Pavodle mietodyki MVF mižnarodnyja reziervavyja aktyvy za vierasień skaracilisia amal na 10 % (460 młn.) i skłali 4 młrd. 119,9 młn. dalaraŭ.
Nahadajem, 21 kastryčnika ministr finansaŭ Rasii Alaksiej Kudryn paviedamiŭ ab pryncypovym rašeńni rasijskaha boku vydzielić uradu Biełarusi čarhovy stabilizacyjny kredyt u 2 młrd. dalaraŭ (pieršy, u 1,5 młrd. dalaraŭ, Rasija vydzieliła Biełarusi ŭ 2007 hodzie).
Varta zaznačyć, što ŭ pačatku 2004 hoda Biełaruś zajaŭlała ab svajoj admovie pravodzić dalejšyja pieramovy z MVF ab vydzialeńni reziervovych kredytaŭ.
«Heta było źviazana z tym, što takija pieramovy išli z 1990?ch hadoŭ i byli vielmi składanymi i praciahłymi», — skazaŭ A. Drazdoŭ.
* * *
Prośba da MVF moža śviedčyć pra surjoznyja prablemy ŭ finansavaj sistemie krainy. Kali taki kredyt budzie atrymany, heta daviadzie zamiežnuju zapazyčanaść krainy da rekordnaje ličby 19 młrd dalaraŭ. Rost u try razy za dva hady!
U vypadku pazityŭnaha rašeńnia MVF zapazyčanaść dasiahnie ŭzroŭniu kala 1900 dalaraŭ na kožnaha hramadzianina krainy, z małymi ŭłučna.
Dahetul rekordnym byŭ atrymany ad Rasiei ŭ kancy 2007 hodu 15?hadovy kredyt na 1,5 miljardaŭ dalaraŭ pa staŭcy LIBOR + 0,75% ź piacihadovaj adterminoŭkaj spłaty asnoŭnaha doŭhu. Sioletni kredyt pieraŭzyšoŭ toj papiaredni. Umovy jaho pakul nie paviedamlajucca.
Taki ŭzrovień zapazyčanaści jašče nie fatalny dla haspadarki Biełarusi, ale dola karotkaterminovych pazykaŭ moža vyklikać peŭnyja kłopaty. Zatoje 2-miljardnaja pazyka stanie nadziejnaj paduškaj na čas suśvietnaha finansavaha kryzisu. A što budzie praź piać hadoŭ, paśla nas? Moža i patop.
* * *
Nie daŭniej jak u minułuju piatnicu Alaksandr Łukašenka i Piatro Prakapovič zaviarali, što «stabilny stan nacyjanalnaj valuty budzie zabiaśpiečvacca ŭ poŭnym abjomie da kanca hoda. Pavodle słoŭ kiraŭnika Nacbanka, u hetym hodzie adznačajucca biesprecedentna vysokija abjomy kredytavańnia. Staršynia praŭleńnia Nacyjanalnaha banka asabliva padkreśliŭ, što biełaruskaja płaciežnaja sistema pa-raniejšamu pracuje ŭstojliva, stabilna i biez zbojaŭ. Jak ličyć Piotr Prakapovič, heta vielmi važna na fonie tych niehatyŭnych źjaŭ, što adbyvajucca z układami nasielnictva ŭ susiednich krainach i ŭ cełym u śviecie».
