Paŭtary tysiačy čałaviek sabralisia ŭ Kurapatach na Dzień paminańnia prodkaŭ. Jany išli tudy dvuma šeściami, što tak i nia zdoleli złučycca. Tolki kvietki lahli pad adny kryžy, na adny jamy. U abodvuch šeściach išli pieravažna maładyja ludzi.
Fota Julii Daraškievič
16:10Sotni tysiač rubloŭ achviaravali ludzi na ŭstanoŭku novych kryžoŭ u Kurapatach.
Havoryć Maja Klaštornaja, dačka Todara Klaštornaha, zabitaha ŭ Kurapatach: Ja ŭściešanaja, što Biełaruś užo nie zaśnie. A mnie asabista važna, što ŭ takoj hramadzie ničoha nia bojazna. Tut adzinym sercam usie.
15:31 Byŭ začytany zvarot Zianona Paźniaka.
15:16 Valer Bujvał, adkazy sakratar KCHP-BNF, zajaviŭ na mitynhu – «My pavinny brać prykład z mužnaha hruzinskaha narodu i baranić našu Radzimu ŭ adpaviednaści z Kanstytucyjaj ad ahresiŭnaha akupanta», paviedamlaje radyjo «Svaboda».
14:57 Zładzilisia napačatku dva roznyja mitynhi. KCHP-BNF - pačałosia naviersie svoj, Partyja BNF - unizie svoj, karotki.
Potym usie źnizu padnialisia navierch i pieramiašalisia z prysutnymi. Bolšaść udzielničaje ŭ mitynhu, na jakim pramaŭlajuć siabry KCHP-BNF, rešta razyšłasia pa ŭročyščy dy ŭskładaje kvietki. Ludzi prychodziać i sychodziać.
14:24 Kalona Partyi BNF amal dahnała kalonu KCHP-BNF. Adlehłaść składaje metraŭ 300.
Udzielničaje ŭ akcyi taksama hrupa moładzi z Polščy, z arhanizacyi «Maładyja demakraty».
Šmat moładzi. Ale idzie i invalid, biez nahi, na mylicach. Niejki stareńki pensijanier niasie tabličku «50 hadoŭ stažu - 50 tys. pensii».
14:18 Kalona, jakuju viadzie KCHP-BNF, dajšła da MKAD.
14:05 Kalona, jakuju viałdzie partyja BNF, dajšła da Łahojskaha traktu.
13:23 Kalona, što viadzie KCHP-BNF, zaraz na vulicy Karbyšava. Śpiavajuć «Mahutny Boža». Naziralniki kažuć, što ŭ abodvuch šeściach, biare prykładna adnolkavaja kolkaść ludziej.
Voś tolki zaraz pačali hukać «Žyvie Biełaruś». Dahetul išli moŭčki.
Adlehłaść pamiž kalonami - kala 1 kilametra.
Milinkieviča niama. Ale z prostaj pryčyny. Jon razam ź Inaj Kulej znachodzicca ŭ Bieraści - u reanimacyju trapiła maci Iny Kulej.
13:11 Kalona, jakuju viadzie BNF, ruchajecca pa vulicy Kalinoŭskaha.
Iduć ź ludźmi Alaksandar Buchvostaŭ, Aleś Maračkin, Źmicier Daškievič, Vincuk i Franak Viačorki, Anatol Labiedźka, a. Alaksandar Šramko, Michaś Paškievič, Jaŭhien Afnahiel.
12:58 Šeście, ładžanaje KCHP-BNF, ruchajecca ŭzdoŭž vulicy Siadych, la Ślapianskaha vadaschovišča.
Z kanca kalony ŭžo bačna šeście, što viaduć siabry Partyi BNF.
Juraś Bieleńki vykazaŭ zdahadku, što ŭčorašni vandalizm u Kurapatach byŭ insceniroŭkaj. Byli vielmi aperatyŭna vyklikanyja baćki, a žančyna-aficer, prybyŭšy na miesca zdareńnia, spytałasia «A dzie, treci?», choć byli zatrymanyja dva čałavieki. Takoje ŭražańnie, što milicyja viedała, kaža sp. Bieleńki, pra akcyju i vyrašyła insceniravać zatrymańnie vandałaŭ napiaredadni Dziadoŭ.
12:45 Šeście, ładžanaje Partyjaj BNF, idzie praspektam. Biare ŭdzieł pa roznych acenkach ad 500 kala 700 čałaviek. Da hetaha šeścia dałučyŭsia i Pavał Sieviaryniec.
Dajšli da vulicy Kalinoŭskaha.
Aktyŭničaje «Moładź BNF». Niasuć raściažku «Dziady 1988-2008».
12:33 U akcyi na Ŭschodnich mohiłkach biare ŭdzieł kala 300 čałaviek. Bahata ściahoŭ, aproč bieł-čyrvona-biełych ściahoŭ jość ściahi ES, Miensku.
Jość raściažka «Svabodu Alaksandru Barazienku», jakoha, nahadajem, 27 kastryčnika kinuli za kraty.
12:29 Uskładańnie kvietak na Ŭschodnich mohiłkach skončana. Apošnimi kvietki byli ŭskładzienyja da mahiły Vasila Bykava. Vystupili tut Lavon Barščeŭski i Ŭładzimier Niaklajeŭ, jaki pračytaŭ vierš «9-ty kłas», pryśviečany narodnamu piśmieńniku Biełarusi.
12:23Udzielniki akcyi, što arhanizavana KCHP-BNF, dajšli da vulicy Kalinoŭskaha. Kala 10 čałaviek rušyli ŭ bok Uschodnich mohiłak sa ściaham, kab uskłaści kvietki.
U hetaj kalonie - kala 500 čałaviek. Ludzi niaspynna dałučajucca, vychodziać z dvaroŭ, z hramadzkaha transpartu. Minaki achvotna biaruć niezaležnuju presu.
12:18 Kalona, jakuju viaduć siabry KCHP-BNF, dajšła da stancyi metro «Uschod». Nieŭzabavie i pavarot na Kalinoŭskaha.
Była drobnaja sutyčka ź niejkimi pjantosami, jakija zaklikali «ici rabotać».
Da kalony dałučyŭsia Pavał Sieviaryniec.
12:16
Pačałasia akcyja na Ŭschodnich mohiłkach. Uskładajuć kvietki da mahiłaŭ viadomych ludziej. Usiaho na mohiłkach i la bramy kala 300 čałaviek.
Tut Lavon Barščeŭski, paet Uładzimier Niaklajeŭ, režysior Valer Mazynski, piśmieńnik Uładzimier Siŭčykaŭ, pravaabaronca Valancin Stefanovič, historyk Alaksiej Karol z dačkoj Irynaj Vidanavaj.
11.40 Na pačatku kalony idzie Piatro Šaškiel, jaki byŭ asudžany ŭ paŭtarahodovym uzroście. Dla jaho heta ŭžo 20-ja Dziady.
Upieršyniu za 20 hadoŭ ŭ šeści ŭ Kurapaty nie biare ŭdziełu Maja Klaštornaja, dačka represavanaha ŭ 30-ja hady paeta Todara. Spadarynia Klaštornaja kaža, što nia moža iści pa stanie zdaroŭja, ale ŭ dušy jana razam z udzielnikami šeścia, paviedamlaje radyjo Svaboda. Jana pryjechała adrazu ŭ Kurapaty.
11:30 Dajšli da korpusu BATU.
Asobnaj hrupaj iduć siabry Maładoha Frontu, Chryścijanskaj Demakratyi, Partyi Svabody, a taksama niekalki siabraŭ Partyi BNF, a taksama Aleś Łahviniec. U kalonie - Andrej Kim z mehafonam.
11:19 Kalona rušyła pa chodnikach uzdoŭž praspektu.
Aleś Puškin niasie karcinu: NKVDdzist trymaje pistalet la skroni śviatara.
Prysutničaje amal usio kiraŭnictva KCHP-BNF (Valery Bujvał, Siarhiej Papkoŭ, Aleś Čacholski). Jość pradprymalnik Aleś Taŭstyka. «Moładź - za Biełaruś» trymaje svaju raściažku.
10:58 Udzielniki akcyi farmujuć kalonu. Ludziej usio prybyvaje i prybyvaje. Niedzie ŭžo kala 300 čałaviek.
Mašyny, što jeduć praspektam, niaspynna syhnalać.
Mnostva ściahoŭ -- kala 40. U bolšaści prosta bieł-čyrvona-biełyja, rešta - partyjnyja. Ludzi ŭzdymajuć transparanty.
Idzie sa ściaham Andrej Kim.
10:56 Avaryja nasuprać metro Park Čaluskincaŭ. Kiroŭca maršrutki zahladzieŭsia na akcyju i ŭrezaŭsia ŭ lehkavik. Abyšłosia, dziakuj bohu, biez achviaraŭ. Ale pierad maršrutki dobra pamiaty.
10:47 Usiaho ludziej užo za 150 na akcyi la Hadzińnikavaha zavodu.
Mnoha ściahoŭ: u asnoŭnym bieł-čyrvona-biełyja, rešta partyjnyja: KCHP-BNF, BCHD, piać ściahoŭ moładzievaj inicyjatyvy «Moładź — za Biełaruś».
Jość pierasoŭnaja zdymačnaja hrupa BT, nu i cichary — kudy ž biaź ich.
* * *
La Hadzińnikavaha zavodu sabrałasia bolš za piać dziasiatkaŭ čałaviek. Tut ładzić akcyju siabry KCHP BNF. Užo ŭźniatyja dva ściahi.
A 12-j svaju akcyju na Ŭschodnich mohiłkach ładzić Partyja BNF.
