U sudzie Leninskaha rajonu Miensku prachodziać pracesy nad zatrymanymi 7 listapada nasuprać budynku KDB siabromi niezarehistravanaha «Maładoha frontu». Alaksiej Janušeŭski, Nasta Pałažanka, Nasta Łojka, Taciana Šapućka, Anton Rusin trymali raściažku: «Kamunizm pad trybunał!».
Maładziony praviali troje sutak da sudu ŭ specpryjomniku na Akreścina. Na hety momant viadoma, što ŭsich aryštavanych pakarali tryma sutkami aryštu. Takim čynam, im nia treba budzie viartacca ŭ turmu. Usie sudy byli niadoŭhimi.
Prysudy vitali vopleskami.
U zali sudu prysutničajuć Źmicier Daškievič, Artur Fińkievič, Pavał Sieviaryniec, Andrej Kim, Viačasłaŭ Siŭčyk, zamiežnyja dyplamaty.
Pryvieźli maładafrontaŭcaŭ u sud a 10-j ranicy, sudzić pačali tolki ŭ abiedzieny pierapynak. Dla ŭsich piacioch heta byli pieršyja sutki, praviedzienyja na Akreścina.
Nasta Łojka i Taćciana Šapućka čytajuć naviny na sajcie NN praz mabilnik
Źmicier Daškievič pryviez dla zatrymanych dva termasa harbaty
Padtrymać siabroŭ pryjechaŭ Pavał Sieviaryniec
Akcyja padtrymki pad ścienami Leninskaha suda
Pieršaj sudzili Nastu Pałažanku. U sud jana pryjechała ŭ čym zatrymali - na abcasach, u spadnicy.
Mamy palitviaźniaŭ - pasiaredzinie Taćciana Kim, zzadu źleva - Halina Siŭčyk, sprava - Hanna Šapućka.
Źmicier Daškievič i Taćciana Šapućka padčas pracesu
Alaksiej Janušeŭski nie čakaŭ dla siabie takoha miakkaha prysudu
Praduktovyja pieradačy siońnia nie spatrebilisia
