Pomnik la Lutenzee, sučasny vyhlad. Fota Biełaruskaja nacyjanalnaja pamiać |
Zbrojny supraciŭ akazvała 1‑ia Słuckaja bryhada, što składałasia z dvuch pałkoŭ: Słuckaha i Hrozaŭskaha. Bryhada, a jaje ŭznačaliŭ Anton Sokał-Kutyłoŭski, była sfarmavana pavodle rašeńnia Źjezdu słuččakoŭ, što prajšoŭ 14 listapada, na im taksama byŭ stvorany palityčny orhan - Rada Sułuččyny (uznačaliŭ Uładzimier Prakulevič).
Paŭstancy pryznavali viarchoŭnaj uładaj na Biełarusi Najvyšejšuju radu BNR.
Słuččaki trymali front praciahłaściu 60 km pa linii Kapyl — Cimkavičy — Vyzna, a najbolš značnyja bai adbylisia la viosak Morač, Vyzna, miastečkaŭ Kapyl dy Siemiežava. 13 śniežnia paŭstancy navat zdoleli zaniać Siemiežava.
Pad kaniec śniežnia paŭstańnie było zadušana, a zmahary musili pierajści za raku Łań, na polski bok miažy.
***
Na emihracyi paśla vajny dzień 27 listapada adznačaŭsia jak Dzień Hierojaŭ. A na poŭdni Bavaryi, la voziera Lutenzze (heta na miažy z Aŭstryjaj, niepadalok ad zimovaha kurortu Harmiš-Partenkirchien) ŭ 1948 h. biełarusami, što tady znachodzilisia ŭ pavajennych lahierach dla pieramieščanych asob, byŭ pastaŭleny pomnik słuckim paŭstancam.