Vital Rymašeŭski - pieršy sprava. Ale kažuć, što na ŭstanoŭčym źjeździe budzie nazvana jašče kandydatura
Hieorhija Dźmitruka (pieršy źleva). Fota Andreja Lankieviča.
Heta sustaršynia Biełaruskaj chryścijanskaj demakratyi Vital Rymašeŭski.Arhanizacyja vyrašyła, što vyłučyć na vybary svajho kandydata. Pavodle słovaŭ Paŭła Sieviarynca, ciapier u BCHD jość try kandydaty, ale proźviščy dvuch astatnich pakul nie nazyvajucca.
«Inšyja pretendenty buduć nazvanyja na ŭstanoŭčym źjeździe, jaki projdzie 28 lutaha ŭ Minsku. Mahu tolki skazać, što heta budzie siurpryz», — kaža P.Sieviaryniec.
Alaksiej Šein kaža, što prablemaj sa zboram sta tysiač podpisaŭ być nie pavinna. Razam z tym, siabry arhanizacyi spadziajucca, što atrymajecca vyjści na adzinaha kandydata ad pravych siłaŭ. Na hety kont viaducca pieramovy z Rucham za Svabodu, Partyjaj BNF.
Arhkamitetam BCHD byli padadzienyja zajaŭki, kab na źjezd było vydzielenaje vialikaje pamiaškańnie — pałacy MTZ ci MAZu, centr IBB. Ahułam u pracy źjezdu buduć prymać udzieł kala 200 delehataŭ i 100 haściej. Źbirajucca pryjechać partniory arhanizacyi z‑za miažy. U vypadku admovy na pamiaškańnie siabry BCHD hatovyja pravieści źjezd na adnoj z centralnaj płoščaŭ stalicy.
Siabry arhkamitetu nie chavajuć, što rašeńnie padavać dakumienty na rehistracyju pryniatyja z ulikam toj palityki libieralizacyi, jakaja pravodzicca ŭładami apošnim časam.
Zadačaj arhanizacyi Sieviaryniec nazyvaje — «imknieńnie pabudavać viadučuju palityčnuju siłu krainy». U šerahi arhanizacyi ŭžo zhadzilisia ŭvajści byłyja palitviaźni — Źmicier Daškievič, Artur Fińkievič, Andrej Kim.Pavał Sieviaryniec padkreślivaje, što zaraz havorka viadziecca nie pra stvareńnie Biełaruskaj chryścijanskaj demakratyi, a pra adradžeńnie. Siońniašniaja partyja praciahvaje tradycyi BCHD, što dziejničała ŭ 1920‑yja hady ŭ Zachodniaj Biełarusi.