Pra heta BiełaPAN paviedamiła dyrektar telekanała Ahnieška Ramašeŭska.
Pavodle jaje słoŭ, aficyjnaj pryčynaj dla admovy stała niapravilnaje afarmleńnie dakumientaŭ."Spačatku ŭ nas miesiac nie prymali dakumienty, kažučy, što čahości nie chapaje. Potym pryniali i bolš za dva miesiacy razhladali, a zatym admovili, zajavili, što niejak nie tak aformleny dakumienty", — skazała A.Ramašeŭska.
Pavodle jaje słoŭ, kiraŭnictva kanała paśla kansultacyj sa śpiecyjalistami znoŭ pasprabuje zarehistravać svajo pradstaŭnictva ŭ Biełarusi.
Atrymać kamientar u MZS Biełarusi pakul nie atrymałasia.
***
Pahadnieńnie ab stvareńni spadarožnikavaha telekanała "TV Biełaruś" było padpisana 23 krasavika 2007 hoda pamiž Polskim hramadskim telebačańniem (TVP) i Ministerstvam zamiežnych spraŭ Polščy. 18 lipienia TVP zaćvierdziła ŭ svajoj struktury novy spadarožnikavy telekanał, jaki atrymaŭ nazvu "Biełsat". 10 śniežnia 2007 hoda z vypusku navinaŭ pačałosia testavaje viaščańnie "Biełsata".
Telekanał finansujecca z reziervovaha biudžetu polskaha MZS. Prahramy "Biełsata" vychodziać u asnoŭnym na biełaruskaj movie. Hałoŭnaja zadača telekanała — padavać hramadzianam Biełarusi abjektyŭnuju i peŭnuju infarmacyju ab padziejach u krainie, Jeŭropie i śviecie.
