«Našaj Nivie» stali viadomyja prynamsi try vypadki, kali vajskoŭcam‑padpisčykam haziety aficery zabaraniajuć atrymlivać jaje i kanfiskujuć z karespandencyi.Heta zdaryłasia z padpisčykami F.Viačorkam, Z.Chviedarukom, pryzvanymi ź Minsku, i Dz., jaki byŭ pryzvany ź Biarozaŭki Hrodzienskaj vobłaści.
Takija fakty žyva ilustrujuć stupień indaktrynacyi biełaruskaha aficerstva. Nijakich zakonnych asnovaŭ dla takich dziejańniaŭ niama.
Heta zvyčajnaje vykarystańnie słužbovaj pasady ŭ palityčnych metach — asobnyja aficery zabaraniajuć sałdatam čytać toje, što nie supadaje ź ichnymi ŭłasnymi kulturnymi kodami abo palityčnymi pohladami.Zhodna ž z zakonami krainy, ŚMI majuć roŭnyja pravy niezaležna ad formaŭ ułasnaści.
U suviazi z tym, što vypadki dyskryminacyi množacca, «Naša Niva» maje namier źviarnucca da ministra abarony Biełarusi z prośbaj adreahavać na ich. Taksama
hazieta hatovaja abaraniać pravy svaich padpisčykaŭ u sudzie.
Prosim našych čytačoŭ paviedamić u Redakcyju pra inšyja anałahičnyja peŭna viadomyja vypadki.
0
0
0
0
0
0
