Dapamožnaja mova ŭ Polščy heta mova mienšaści, jakuju častkova aficyjalna dapuščana na ŭžyvańnie razam z aficyjnaj movaj. Žychary hminy, ŭ jakaj uviadziena dapamožnuju movu, majuć mienavita prava na zvarot u orhany hminy na dapamožnaj movie ŭ piśmovaj ci vusnaj formie a taksama žadańnia atrymańnia, pa vyraznaj prośbie, adkazu na svaje zvaroty taksama na hetaj movie.
Dapamožnaja mova moža vykarystoŭvacca tolki ŭ hminach, u jakich kołkaść nasielnictva, prynaležnaha da mienšaści, mova jakoj pavinna vykarystoŭvacca ŭ jakaści dapamožnaj, nie mienš za 20% ad ahulnaj kołkaści žycharoŭ hminy (pavodle vynikaŭ apošniaha śpisu nasielnictva). Hmina pavinna być uniesienaja ŭ Aficyjny rejestar hmin, u jakich vykarystoŭvajecca dapamožnaja mova, ministram pa spravach vieravyznańnia i nacyjanalnych i etničnych mienšaściej (ciapier, pavodle zakona ab dziełam uradavaj administracyi, hetym ministram jaŭlajecca Ministar Unutranych Spravaŭ i Administracyi), adkaznym za jaho viadzieńnie, na padstavie zajavy rady hminy.
Pavodle vynikaŭ apošniaha śpisu nasialeńnia, ŭ 51 hminach bolš za 20% žycharaŭ deklaravała prynaležnaść da mienšaści - ŭ 1 da letuviskaj, u 10 - da kašubskaj, u 12 - da biełaruskaj, u 28 - da niamieckaj. Pa stanu na 13 traŭnia 2009 hodu ŭ hetym rejestry byli zapisanyja adnak tolki 26 hmin, ŭ tym liku ŭ 1 hminie ŭviadziena letuviskuju movu (hmina Puńsk), u 2 hminach - biełaruskuju movu (hmina Hajnaŭka i hmina Orla), u 2 hminach - kašubskuju movu (hmina Parchova, hmina Sierakovicy), u 21 inšych hminach - niamieckuju movu. Heta aznačaje, što 1/2 hmin nie karystajecca z mahčymaści karystańnia dapamožnaj movaj.
U hminie, zapisanaj u Aficyjnym rejestry, supracoŭniku, pracaŭładkavanamu ŭ hminie, u dapamožnych adzinkach hminy, a taksama ŭ hminnych adzinkach i biudžetnych ustanovach moža vypłočvacca dapłata za vałodańnie dapamožnaj movaj dadzienaj terytoryi. Pavodle 2 rasparadžeńniaŭ Savietu Ministraŭ z 2005 hodu, heta 10% minimalnaj zapłaty za rabotu.
Fakt uviadzieńnia abo nieŭviadzieńnia u hminie dapamožnaj movy nie maje značańnia da mahčymaści karystańnia dźviuchmoŭnymi tabličkami z nazvami vulic i nasielenych punktaŭ, chacia normy ŭ hetych prypadkach vielmi padobnyja.
Krynicy
Zakon ad 6 studzienia 2005 h. “Ab nacyjanalnych i etničnych mienšaściach, i rehijanalnaj movie” (Dzieńnik Ustaŭ 2005 h. № 17, p. 141, ź źmienami).
Śpis hmin, u jakich u jakich kolkaść nasielnictva, prynaležnaha da mienšaści, nie mienš za 20% ad ahulnaj kołkaści žycharoŭ hminy.
Rejestar hmin, u jakich vykarystoŭvajecca dapamožnaja mova
Rejestar hmin, u jakich vykarystoŭvajecca nazvy ŭ movie mienšaści
