Džordžu Dzideryku Prynsłu vystaŭlenaje aficyjnaje abvinavačańnie pavodle č.1 art. 207 KK (razboj). Jamu pahražaje ad 3 da 10 hadoŭ źniavoleńnia.
39-hadovy Prynsłu Džordž Dzideryk, jaki znachodzicca ŭ mižnarodnym vyšuku, jak adzin z samych niebiaśpiečnych złačyncaŭ Paŭdniovaj Afryki, rychtavaŭsia da napadu na adździaleńnie «Biełarusbanka» ŭ Baranavičach dva tydni: znajšoŭ mietaličny stryžań, jakim zabłakavaŭ dźviery, zahadzia nabyŭ dziciačy pistalet, hazavy bałončyk i šapačku. 10 červienia 2009 hodu ŭ časie napadu mužčyna ŭdaryŭ dźviuch žančyn — supracoŭnicu banku i naviednicu ŭstanovy. 38-hadovaja supracoŭnica filijału ad ŭdaru napadnika pavaliłasia na bankamat i mocna ŭdaryłasia ab jaho hałavoj.
Zatrymali złačyncu, jaki znachodziŭsia na terytoryi Biełarusi biez rehistracyi, 12 červienia ŭ Minsku. Dapamoh śledstvu baranavicki chłopčyk, jaki bačyŭ rabaŭnika, kali toj vybiahaŭ z banka. Dziakujučy śviedčańniam chłopčyka byŭ składzieny jakasny fotarobat.
***
Interpoł vyšukvaje Džordža Dzideryka Prynsłu za sieksualnyja złačynstvy suprać dziaciej. Jaho vinavaciać u zhvałtavańni dziaŭčat 11 i 15 hadoŭ, vyrabie dziciačaj parnahrafii i machlarstvie.
Złačynca pajšoŭ na spravu z cackaj.
Supracoŭnica banku była traŭmavanaja ŭ časie nalotu.
