Razam sa zvarotam Zhurtavańnie dasłała i prapanovy ŭ prajekt zakona, pryniatyja Piatym źjezdam biełarusaŭ śvietu.
U svaim adkazie Nacyjanalny centr prapanavaŭ «Baćkaŭščynie» znoŭ dasłać
«mahčymyja prapanovy pa rehłamientacyi pravavoha stanovišča biełarusaŭ zamiežža» i paviedamić kandydaturu dla ŭklučeńnia ŭ skład rabočaj hrupy pa raspracoŭcy zakona.
Taksama ŭ liście adznačana, što Nacyjanalnym centram zakanadaŭstva «vyvučajecca pytańnie ab raspracoŭcy prajekta Zakona Respubliki Biełaruś «Ab suajčyńnikach, što pražyvajuć za miažoj», adnak nie paznačana, ni kali miarkujecca stvareńnie vyšejaznačanaj Rabočaj hrupy, ni kali ŭznovicca praca nad zakonaprajektam.
Nahadajem, što «Baćkaŭščyna» padymaje pytańnie ab pryniaćci zakona ŭžo z 2001 hoda. Tady ž pradstaŭniki Jurydyčnaj kamisii Zhurtavańnia brali ŭdzieł u pracy Rabočaj hrupy pry zhadanym Nacyjanalnym centry i vyjšli z šeraham pryncypovych zaŭvah i prapanovaŭ, jakija hruntavalisia na pažadańniach biełaruskich supołak zamiežža. Na žal, praca nad zakonaprajektam była spyniena i jaho razhlad, zapłanavany na vosień 2002 hoda, nie adbyŭsia. Z prośbaj paskoryć pryniaćcie zakona, a taksama kankretnymi prapanovami da jaho, źviartalisia da Uradu i Nacyjanalnaha schodu ŭdzielniki Čaćviortaha i Piataha źjezdaŭ biełarusaŭ śvietu (2005, 2009 h.).
Jak adznačyła Nina Šydłoŭskaja, staršynia Rady «Baćkaŭščyny»: «My spadziajemsia, što atrymany ad Nacyjanalnaha centru zakanadaŭstva adkaz — śviedčańnie taho, što dziaržava ŭsio‑taki viartajecca da pytańnia pryniaćcia zakona i što hetym razam praca ŭ hetym nakirunku nie budzie spynienaja, jak raniej. U liście da Pałaty Pradstaŭnikoŭ my nie tolki źviartalisia z tym, kab uličyć prajekt zakona, što byŭ pryniaty na Piatym źjeździe, ale i prapanavali svaju dapamohu — arhanizacyju abmierkavańnia zakonaprajekta ci jaho kancepcyi ŭ biełaruskich supołkach zamiežža».
Kiraŭnik «Zhurtavańnia biełarusaŭ śvietu «Baćkaŭščyna» Alena Makoŭskaja padkreśliła: «Z momantu pieršaha abmierkavańnia zakonaprajekta dziaržaŭnymi orhanami prajšło dzieviać hadoŭ. Uvieś hety čas my hublali čałaviečy patencyjał, asiarodki biełaruskaj kultury, kaštoŭnyja archivy — častku našaj ahulnanacyjanalnaj kulturnaj i histaryčnaj spadčyny.
Hublali my ŭsie — i dziaržava, i hramadskaść.
Pryniaćcie zakona — heta važny stratehičny i imidžavy krok dla biełaruskaj dziaržavy, jaki dazvolić zamarudzić pracesy asimilacyi, aktyvizavać patencyjał biełaruskaha zamiežža. I nieabchodna, kab hety krok byŭ narešcie zrobleny. My majem spravu ź ludźmi, jakija doŭhi čas čakajuć ad dziaržavy kanstruktyŭnych rašeńniaŭ, i čarhovaja dekłaracyja tut chutčej naškodzić. Tamu vielmi važna, kab dziaržava pačała rabić realnyja kroki nasustrač biełaruskaj dyjaspary».
