U Murmanskaj vobłaści (Rasija) śniežnaj łavinaj nakryła hrupu biełaruskich turystaŭ z šaści čałaviek.
Jak paviedamiła namieśnik načalnika ŭpraŭleńnia infarmacyi MZS Biełarusi Maryja Vańšyna, heta adbyłosia dniom 8 sakavika na pieravale Tavajok na adlehłaści 26 km ad pasiołka Reŭda ŭ Łavaziorskim rajonie.
«Biełaruskuju hrupu łyžnikaŭ, jakaja ažyćciaŭlała turystyčny pachod, nakryła śniežnaj łavinaj. U MZS taksama jość infarmacyja, što dva čałavieki z hetaj hrupy vyratavalisia», — paviedamiła Vańšyna.
Pavodle jaje słoŭ, na hety čas viadoma, što ŭsie łyžniki — členy bresckaha turystyčnaha kłuba.
Zaraz na miescy zdareńnia pracujuć ratavalniki MNS pa Murmanskaj vobłaści.
Pavodle źviestak MNS pa Murmanskaj vobłaści, siarod źnikłych pad łavinaj — dźvie dziaŭčyny i dva chłopcy. Usim turystam ad 19 da 29 hadoŭ.
0
0
0
0
0
0