A taksama šmat inšaha ŭ prahramie V festu siaredniaviečnaj kultury «Navahradski zamak — 2010», jaki adbudziecca 25-27 červienia.
Navahradak, žnivień 2004 h.
Na pomnik Mindoŭhu jašče nie naźbirali hrošaj.
Paśla praciahłaha pierapynku ŭ Navahradak viartajecca fiestyval siaredniaviečnaj kultury «Navahradski zamak». Piaty pa liku fest projdzie ŭ pieršaj stalicy VKŁ z 25 pa 27 červienia. Admietnaściu sioletniaha śviatkavańnia stanie toje, što «Navahradski zamak — 2010» spałučać z adznačeńniem 600-hodździa Hrunvaldskaj bitvy. Jubileju pryśvieciać admysłovyja teatralnyja pastanoŭki z udziełam aktoraŭ Kupałaŭskaha i Opiernaha teatraŭ, muzyčnyja prahramy i kruhły stoł. I, naturalna, na feście buduć rycarskija zabavy, siaredniaviečnaja kuchnia i kirmaš.
Fiestyval «Navahradski zamak» voś užo 10 hadoŭ źbiraje dziesiatki tysiač hledačoŭ z usioj Biełarusi i z-za jaje miežaŭ. Pieršy fest adbyŭsia ŭ Navahradku ŭ červieni 2000 hoda i ładziŭsia z taho času kožnyja dva hady. U 2008 h. haradskija ŭłady dziela ekanomii srodkaŭ śviatkavańnie admianili — było vyrašana pieranieści jaho na 2009 hod, kab spałučyć z adznačeńniem 965-hodździa horada. Ale i 2009-m fest nie adbyŭsia — iznoŭ nie chapiła hrošaj. Zamiest rycaraŭ na śviatkavańnie Dnia horada ŭ Navahradak pryjechaŭ Alaksandr Saładucha i bajkiery. Hrošaj, zrešty, nie chapiła i naladovy pałac, jaki płanavali zbudavać jašče da 2009 h., i na adnaŭleńnie hatelu «Jeŭropa» na haradskoj płoščy. Nie pabačać hości fiestyvalu i pomnika Mindoŭhu aŭtarstva skulptara Hienadzia Burałkina. «Da festu dakładna nie paśpiejem», — paviedamiŭ skulptar. Načalnik adździełu kultury Navahradskaha rajvykankamu Alaksandr Karačan patłumačyŭ heta tym, što hrošy na pomnik źbirajucca vielmi marudna. Pa jaho słovach na siońnia raspracavanaja papiaredniaja prahrama śviatkavańnia 600-hodździa Hrunvaldu i «Navahradskaha zamka — 2010». Aficyjna zaćvierdžanaja prahrama ź pieralikam udzielnikaŭ festu źjavicca napačatku krasavika.
Nahadajem, što srodki na pomnik Mindoŭhu možna pierakazać na nastupny rachunak: «Adździeł kultury Navahrudskaha rajvykankama, 231400, h. Navahrudak, vuł. Mickieviča, 9a, r/r 3632000001310 AAT «AAB Biełarusbank», kod 698, UNP 500031377, OKPO 02234044, dziejničaje na padstavie Pałažeńnia. Na vyrab pomnika Mindoŭhu».
Taksama možna achviaravać na restaŭracyju Navahradskaha zamka:
Raźlikovy rachunak adździeła kultury Navahradskaha rajvykankama №3632000001310 u ASB «Biełarusbank» kod 698 h. Navahradak, UNP 500031377 z adznakaj «Na restaŭracyju Navahradskaha zamka».
***
Śviatočnaja prahrama*
25 Červienia 2010 h.
Centralnaja rajonnaja biblijateka:
11.00-18.00 Kruhły stoł: «Hrunvald ŭ historyi Biełarusi».
26 Červień 2010 h.
Haradskaja płošča:
11.00-11.50 Kancertnaja prahrama.
11.30-12.00 Śviatočnaje teatralizavanaje šeście ad placoŭki handlova-ekanamičnaha kaledža na płošču:
— arkiestr dudaroŭ i ŭdarnych instrumientaŭ;
— kniaź Vitaŭt i karol Jahajła na kani ŭ atačeńni śvity;
— pradstaŭniki rycarskich kłubaŭ;
— falkłornyja mastackija kalektyvy.
12.00 Adkryćcio śviata:
— konnaja vyjezdka;
— mastacka-histaryčny prałoh «Hrunvald — 600» (z udziełam artystaŭ teatra imia Janki Kupały i Nacyjanalnaha teatra opiery);
— vystupleńnie aficyjnych asob.
13.00-17.00 Vystupleńnie viadučych mastackich kalektyvaŭ krainy.
20.00-24.00 Hała-kancert viadučych kalektyvaŭ i vykanaŭcaŭ krainy.
24.00 Fiejervierk
Zamkavaja hara (płatnyja mierapryjemstvy):
10.00-19.00 «Rystališča» pakazalnyja vystupleńni viadučych kłubaŭ vajenna-histaryčnaj rekanstrukcyi, muzykaŭ.
22.30-23.40 fajer-šou.
Farny kaścioł
16.00-17.00 — Kancert duchoŭnaj muzyki. Premjera fantazii «Hrunvald».
Barysahlebskaja carkva
15.00-16.00 — Pravasłaŭnyja śpievy.
Roŭ la Zamkavaj hary:
15.00-17.00 Konny turnir.
18.00-20.00 Rycarski turnir.
21.00-21.30 Rycarski buhurt.
Mały Zamak:
Siaredniaviečnaja kuchnia i kirmaš. Na kirmašy praduhledžvajecca vystupleńnie mastacka-histaryčnych kalektyvaŭ.
Kinateatr «Źviazda»:
11.00-19.00 Demanstracyja filmaŭ na histaryčnuju tematyku.
Dom-muziej A. Mickieviča:
Vystava siaredniaviečnaj zbroi i daśpiechaŭ.
Historyka-krajaznaŭčy muziej:
Elektronnaja prezientacyja: «Epocha Vitaŭta i Jahajły».
27 červienia 2010 hoda
Haradskaja płošča:
14.00-18.00 Vystupleńnie dziaržaŭnaha kancertnaha arkiestra pad kiraŭnictvam M. Finbierha
18.00-18.30. Uračystaje zakryćcio śviata.
Zamkavaja hara (płatnyja mierapryjemstvy):
11.00-15.00 «Rystališča»
Roŭ la Zamkavaj hary:
16.00-17.00. Rycarski buhurt «Šturm zamka».
Mały Zamak:
11.00-16.00 Siaredniaviečnaja kuchnia i kirmaš.
*Heta papiaredni prajekt prahramy V festu siaredniaviečnaj kultury «Navahradski zamak — 2010» i śviatkavańnia 600-hodździa Hrunvaldskaj bitvy. Kančatkovy varyjant ź pieralikam udzielnikaŭ śviatkavańnia budzie zaćvierdžany ŭ apačatku krasavika.
