Novy prajekt kampanii «Budźma biełarusami!» i partała TUT.BY — «BudźmaTUT».
Jakija padziei minułaha, jakija rysy charaktaru prodkaŭ my bačym siońnia? I sapraŭdy bačym ci chočam bačyć? Ci isnujuć «nacyjanalnyja rysy charaktaru» biełarusaŭ uvohule? I jakija jany? Jak jany ŭpłyvajuć na padziei vakoł nas i na našu historyju? A ci adlustroŭvaje naša historyja nacyjanalnyja rysy charaktaru? Ci možna raskazać tysiačahadovuju historyju Biełarusi za piać chvilin rep-čytankaj?
Prajekt raźličany na ludziej, chto nie zadumvaŭsia nad pytańniem: «Chto ja?», nie cikavicca svajoj historyjaj.
Startavaŭ jon z tok-šou, u jakim abmiarkoŭvali pytańnie: «Biełarusy: šalonyja ci pamiarkoŭnyja?» Dla abmierkavańnia byli zaprošany tvorčyja ludzi roznych prafiesij: tyja, chto praz mastackija albo miedyjnyja vobrazy stvaraje vidžet sučasnaj Biełarusi.
Fiłosaf Valancin Akudovič, historyk Hienadź Sahanovič i muzyka Aleh Chamienka adstojvajuć dumku pra pamiarkoŭnaść biełarusaŭ. Aktyvist ŭ spravie achovy pomnikaŭ Anton Astapovič piarečyć im. Kulturołah Julija Čarniaŭskaja pieravodzić dyskusiju z płoskaści pamiarkoŭny-šalony ŭ supraćpastaŭleńnie cham i pan. Redaktar sajta Budzma.org Sieviaryn Kviatkoŭski ćvierdzić nie pra etničny, a sacyjalny charaktar pavodzinaŭ sučasnych biełarusaŭ. Muzyka Vadzim Marholin havoryć pra mif pamiarkoŭnaści, vyhadny ludziam pry ŭładzie.
Dramaturh Andrej Kurejčyk: «Dla mianie pamiarkoŭnaść sinonim bajaźliŭstva». IT-biznesmien Juryj Zisier: «Usie roznyja. Choć pamiarkoŭnaść asacyjujecca z zabitaściu». Muzykant Raman Arłoŭ sumniajecca, što ŭsie biełarusy adčuvajuć siabie biełarusami. PR-specyjalist Andrej Ezeryn zaŭvažaje, što prablema — u stereatypach.
Dniami budzie prezientavany błoh, na jakim pasprabujuć nieakademična danieści historyju krainy. Roznyja asoby buduć u niefarmalnaj maniery, emacyjna raspaviadać pra tuju ci inšuju padzieju albo dziejača. Na dumku arhanizataraŭ prajekta, taki padychod pavinien paŭpłyvać na samaśviadomaść ludziej.