«Ilijada» — heta mifałahična-hieraičny epas, jaki byŭ stvorany prykładna ŭ siaredzinie 8 st. da n.e. i prypisvajecca paŭlehiendarnamu hreckamu pieśniaru Hamieru. Siužet paemy budujecca na epizodzie Trajanskaj vajny, jakaja, pavodle śviedčańnia bolšaści sučasnych historykaŭ, mahła mieć miesca na miažy 13 i 12 st. da n.e.
Niaštatny supracoŭnik vydaviectva Źmicier Kołas zaprašaje ŭ kramu pa novyja knihi — «Ilijada» Hamiera i «Mastactva fiłasofstvavańnia» Biertrana Raseła. Navinki možna kupić ŭ Miensku ŭ HC «Kupałaŭski» pad Kastryčnickaj płoščaj, ralety 41-42. Čas pracy z pn-pt z 11 da 18.30, sb z 11 da 17, nd z 11 da 16.
Hamier «Ilijada» — 45 rub.
B. Raseł «Mastactva fiłasofstvavańnia» — 23 rub.
Knihi taksama ŭžo možna kupić u Akademknizie ŭ Minsku (pr. Niezaležnaści, 72), a nieŭzabavie majuć źjavicca na kniger.by ź pierasyłkaj pa ŭsim śviecie.
Pieršy pierakład «Ilijady» Hamiera ździejśniŭ movaznaŭca, kulturny i palityčny dziajač Branisłaŭ Taraškievič u 1920-30-ch hadach, uryŭki ź jakoha źjaŭlalisia ŭ pieryjodycy. Na žal, pierakład całkam nie zachavaŭsia. Pierakład 2 piesień z 24 drukavaŭsia ŭ tomie «Vybranaje» Branisłava Taraškieviča, jaki vychodziŭ u 1991 hodzie ŭ vydaviectvie «Mastackaja litaratura».
Čytajcie taksama:
U mai vyjdzie kultavy raman Styviena Kinha pa-biełarusku i jašče dźvie knihi
Precedent: dvuchtomnik Dunina-Marcinkieviča vyklučyli sa śpisu ekstremisckich materyjałaŭ
