Праваахоўныя органы шукаюць жыхара Ельскага раёна Гомельскай вобласці, які падазраецца ў згвалтаванні непаўналетняй. Злачынства было ўчынена 8 чэрвеня. Ахвярай гвалтаўніка стала васьмігадовая дзяўчынка.
Як паведамілі БелаПАН у пракуратуры Гомельскай вобласці, па гэтым факце пракуратурай Ельскага раёна распачата справа на падставе ч. 3 арт. 166 Крымінальнага кодэкса (згвалтаванне заведама малалетняй), арганізаваны аператыўна‑вышуковыя мерапрыемствы. Пакаранне за такое злачынства — пазбаўленне волі на тэрмін ад 8 да 15 гадоў.
Дзяўчынка знаходзіцца ў бальніцы, яе чакае судова‑медыцынская экспертыза.
0
0
0
0
0
0